Ohiko galderak

Urretxuko Ekiolak eguzki-panelen 1,25 MWko instalakuntza bat eraikiko du Urretxuko lursail batean (Urretxuko garbigunearen goian dauden betelan batzuetan).

Kooperatibako bazkide egiten diren herritarrek instalazio horren jabetzaren zati bat eskuratuko dute, kapital ekarpen baten truke. Partaidetza horrekin beraien etxeetako argindar kontsumoaren %100 estaltzeko adina energia sortuko dute.

Lehenengo hilabetean honakoei irekiko zaie bazkide egiteko aukera:

• Urretxuko, Ezkio-Itsaso, zumarraga eta Legazpiko herritar edo familiei
• Urretxuko, Ezkio-Itsaso, zumarraga eta Legazpiko herritar komertzio eta ostalaritza establezimenduei
• Tokiko jarduera ekonomiko txiki eta ertainei (kontsumo-muga gainditzen ez badute, 30.000 kWh/urtean)
• Parteartzea %80 herritarrak eta %20 gainerako partaideak lehen fasean baina interesdun guztiak erreserban geratuko dira lehen hilabete  ostean lekua egongo balitz parte hartuko lukete.
• Lehen hilabtetea pasata, honakoek ere izango dute aukera (herritar eta familiek izango dute lehentasuna bigarren fase honetan):
• Inguruko herrietako herritar edo familiei
• Inguruko herrietako komertzio eta
  ostalaritza establezimenduek
• Inguruko herrietako jarduera ekonomiko
  txiki eta ertainek
• Lekua egongo balitz, kontsumo-muga
  gainditzen duten jarduera ekonomikoek

1. Bazkidea bere energiaren jabe izango da, eta KM0 energia berriztagarria kontsumituko du
2. Bazkideak argindar fakturan aurreztuko du hilero, momentuko prezioaren arabera
3. Bazkideak kooperatibaren erabakietan parte hartuko du

Sortzen den energiak <30 €/MWh-ko prezioa izango du, instalazio fotovoltaikoa zure uneko kontsumoa estaltzeko nahikoa energia sortzen ari den momentuetan (merkatuko bataz besteko prezio historikoa eta gaur egungo prezioa baino nabarmen baxuagoa da kopurua). Prezio hori da Urretxuko Ekiola kooperatibari energia hori ekoiztea kostatzen zaiona.

Instalazio fotovoltaikoa behar duzuna baino energia gehiago ekoizten ari denean, soberakina merkatura saldu eta salmentarengatik konpentsazio bat jasoko duzu. Gutxiago ekoizten ari denean, berriz, falta dena merkatutik erosiko da, argindarrak momentu horretan merkatuan duen prezioan. Hori guztiori Urretxuko Ekiolak kudeatuko du eta informazio guztia merkaturatzaileak bidaliko dizun fakturan azalduko zaizu.

Bai. Ibedrolak kudeatzen duen argindar banaketa sare orokorrak matxurarik ez duen bitartean etxean argindarra izango duzula bermatuta dago, gaur egun bezala.

Urretxuko Ekiolako bazkideek orain arte bezalaxe energia kontsumo normala ziurtatuta izango dute, nahiz eta Urretxuko sorkuntza plantan (eguraldiagatik edo bestelako arazoengatik) energia sorkuntzan etenak egon. Sortzen den energia sare orokorrera bideratuko da, eta bazkideek kontsumitzen duten energia sare orokorretik hartzen da. Beraz, bazkideek gaur egun hartzen duten bezala hartuko dute gero ere behar duten energia, sare orokorretik. Ezberdintasuna da kontsumitzen duten energia adina (edo gehiago) bideratuko dutela sarera, energia berriztagarria gainera.

Urretxuko Ekiola kontsumo kooperatiba da. Bazkideak bere hileroko kontsumo fakturan kooperatiban parte hartzeagatik hurrengo kontzeptu bereziak ikusteko aukera izango du:

• Kontsumituriko energia sorkuntza kostuaren arabera baloratuko da
• Hileroko faktura, bazkideak Kooperatibaren komertzializadorari ordainduko dio.
• Irabazi asmorik gabea denez, kooperatibak kostu-prezioan salduko du energia, eta horrek bazkide egiten diren askori gaur egun ordaintzen duen fakturarekin alderatuta hileroko aurreztea ekar dakioke.

Ez. Bazkide egiteko hasierako kopurua ordainduta, hileroko fakturaz gain ez dute bestelako ordainketarik egingo.

Urretxuko eta Ezkio-Itsasoko udalez gain, Ekiola kooperatibak hartzen du parte proiektuan. Ekiola Mondragon Taldeko Krean kooperatibak eta EEEk (Energiaren Euskal Erakundea, Eusko Jaurlaritza) osatzen dute.